Kriza për skuadrën e Werder Bremen po thellohet secilën xhiro më shumë.
Marketing
Në kuadër të xhiros së 22-të në Bundesliga, Werder Bremen janë mposhtur 3:0 nga Leipzig, shkruan lajmi.net.
Lukas Klostermann dhe Patrik Schick shënuan dy golat e Leipzig në pjesën e parë, për të bërë që skuadra e tyre të shkojë në pauzë me dy gola epërsi.
Rezultatin final e vendosi Nordi Mukiele në minutën e 46’ të takimit.
Në këtë ndeshje për 90 minuta luajti edhe Milot Rashica, por nuk arriti të linte gjurmë, ndoshta edhe si pasojë e formës së dobët të skuadrës së tij.
Werder tashmë mbetet me 17 pikë, në pozitën e parafundit në tabelë, kurse Leipzig merr përkohësisht kreun, me 45 pikë të grumbulluara.
