Kryeministri Oliver Spasovski i ka dërguar një kërkesë VMRO-DPMNE-së opozitare për të emëruar ministër të ri të punës dhe politikës sociale pas shkarkimit të Rashela Mizrahi.
Kërkesa deklaron se:
“Sipas nenit 44 paragrafi tre i Ligjit për Qeverinë është e domosdoshme të emëroni një kandidat për Ministër, i cili do të kryesojë Ministrinë e Punës dhe Politikës Sociale në Qeverinë e Republikës së Maqedonisë së Veriut”, thuhet në kërkesën e Spasovski drejtuar VMRO-DPMNE-së.
Kuvendi kishte shkarkuar më parë Rashela Mizrahi nga pozita e ministrit teknik për punë dhe politikë sociale me 62 vota pro. Spasovski dorëzoi një propozim në Kuvend për ta shkarkuar atë, dhe kërkesa erdhi pasi Mizrahi vazhdimisht paraqitejn në konferencë për shtyp në MPPS para një tabele me emrin “Republika e Maqedonisë”.
Kryeministri në seancën e shkarkimit të Mizrahit tha se ishte joserioze të luash me kushtetutën – kur i përshtatet dikujt, e respekton atë dhe kur duhet të marrë interesin e partisë për ta shkelur atë.
Mizrahi, nga ana tjetër, tha se marrëdhëniet ndërhyrëse ndërnjerëzore, mungesa e vlerave, sistemi i prishur, fshehja e problemeve, qytetarët e dëshpëruar, punonjësit e frikësuar të MPPS janë problemet reale të Ministrisë së Punës dhe Politikës Sociale.
