Qeveria ka pranuar rekomandimin e Ministrisë së Shëndetësisë për të mos mbajtur tubime dhe ngjarje të mëdha publike, si dhe zhvillimin e ndeshjeve pa tifozë deri më 13 Mars për shkak të virusit Korona.
Gjithashtu, Qeveria vendosi që shërbimet doganore dhe agjencitë turistike duhet të sigurojnë vazhdimisht lista të përditësuara të udhëtarëve që hyjnë në mënyrë të organizuar në vendin tonë si dhe listat me të dhëna të udhëtarëve që udhëtojnë përmes me linjave të rregullta.
Duke pasur parasysh situatën në Evropë, si dhe në zona të tjera mbetet rekomandimi i Qeverisë për të gjithë udhëtarët nga këto rajone, të raportojnë hyrjen në vend dhe të raportojnë pranë autoriteteve të shëndetit dhe sigurisë në kufi në rast se kanë simptoma të virusit Korona.
