Në Shqipëri është shënuar viktima e parë nga koronavirusi. Lajmi është konfirmuar nga Ministria e Shëndetësië.
Një ditë më parë, ajo u konfirmua si e prekur me koronavirus, ndërsa ndodhej e shtruar në spitalin e Durrësit.
“Pacientja 73-vjeçare e konfirmuar me COVID-19, ka ndërruar jetë pak minuta më parë nga komplikacionet e rënda, si pasojë e disa sëmundjeve bashkëshoqëruese kardiake dhe pulmonare. 73-vjecarja vuante nga sëmundje të tjera bashkëshoqëruese: Insuficience kardiake kronike, SPOK, Nyha III, Fibrilation atrial, hypertyreisis, tatus post by pass”, ka bërë të ditur Ministria e Shëndetësisë.
Ndërkohë, zëvendësministrja e Shëndetësisë, Mira Rakacolli, bëri të ditur paraditen e sotme se në Shqipëri janë 12 persona të prekur, mes të cilëve ishte edhe gruaja nga Durrësi, e cila ndërroi jetë.
