“Në këto kushte po bëjmë përpjekje maksimale të krijojmë kushte për një jetë normale të qytetarëve dhe si t’i zvogëlojmë sa më shumë që është e mundur këto pasoja. Presim goditje në çdo sektor, prandaj po marrim masa që këto goditje t’i zbusim sa më shumë që mundemi. Në sektorin e transportit dua t’ju njoftoj se ngadalë po e stabilizojmë punën e kompanive transportuese që kryejnë transportin e mallrave. E rëndësishme është që arritëm t’ kthejmë vozitësit e kamionëve nga rajonet e krizës. Transporti i mallrave është parakusht për mbajtjen e funksionimit normal të ekonomisë”, tha ministri për transport dhe lidhje Goran Sugarevski.
Sa u përket lejeve për hyrje dhe dalje nga shteti, Sugarevski tha se dikasteri që ai drejton ka rritur marrëveshje me Ministrinë për Punë të Brendshme dhe Drejtorinë e Doganave.
“Procedura është me sa vijon: Çdo kompani është e nevojshme të posedoj leje për hyrje në territorin e Republikës së Maqedonisë së Veriut e cila ka të bëj me vozitësit profesional të kamionëve të cilët hyjnë në territorin e Republikës së Maqedonisë së Veriut dhe të cilët i nënshtrohen një regjimi shëndetësor për hyrje në shtet”, tha Sugarevski.
