Në një telefonatë me Presidentin Stevo Pendarovski, Sekretari i Përgjithshëm i NATO-s Jens Stoltenberg përshëndeti qasjen që Maqedonia e Veriut tani po merr pjesë në të gjitha takimet e NATO-s si një anëtare e plotë e Aleancës, pas pranimit në 27 Mars 2020 si anëtar i 30-të i NATO-s .
Z. Stoltenberg theksoi se NATO është e vendosur të vazhdojë të luajë rolin e saj në luftën kundër pandemisë COVID 19. Ai kujtoi se ministrat e mbrojtjes do të takohen më vonë këtë muaj në një seancë të jashtëzakonshme me video konferencë për të diskutuar se si NATO mund të forcojë mbështetjen për përpjekjet civile në përballimin e pasojave të pandemisë. Ai theksoi se ndërsa të gjithë Aleatët preken nga kriza, disa janë në gjendje të rialokojnë burimet në mënyrë që të ndihmojnë të tjerët në nevojë, përfshirë Maqedoninë e Veriut.
“Mirëpres mbështetjen e disa aleatëve të NATO-s për anëtarin tonë më të ri, Maqedoninë e Veriut. Ky është solidariteti i aleatëve në veprim”, tha Sekretari i Përgjithshëm i NATO-s.
