Tetë nxënës të shkollës fillore u mbytën në një lumë në jugperëndim të Kinës të dielën, njoftoi media shtetërore.
Marketing
Nxënësit e shkollës në Komunën Chongqing ishin duke luajtur pranë lumit kur ndodhi incidenti, sipas agjencisë së lajmeve Xinhua. Trupat u nxorën pas një operacioni kërkimi.
Gjatë lojës, njëri prej fëmijëve ra në lumë në fshatin Tongjia të qarkut Tongnan. Nxënësit e tjerë u përpoqën të shpëtonin bashkëmoshatarin e tyre, por pa sukses, dhe u mbytën të gjithë. Hetimi rreth ngjarjes është duke vazhduar.
Mbytja në ujë është një nga shkaqet kryesore të vdekjes te fëmijët e moshës 1-14 vjeç në Kinë, sipas Organizatës Botërore të Shëndetësisë.
