Kryeministri i Kosovës Avdullah Hoti është deklaruar në lidhje me fillimin e vitit të ri shkollor në vendin tonë.
Procesi mësimor që nga marsi është mbajtur online për shkak të shpërthimit të pandemisë me koronavirus.
E dilemat rreth asaj nëse procesi mësimor do të mund të fillojë të mbahet në bankat shkollore është ende i paqartë.
Në një postim në Facebook, kryeministri Hoti ka thënë se vendimi final për hapjen e shkolla do të ndikohet nga gjendja epidemiologjike.
“Jemi duke shqyrtuar edhe platformat e ndryshme të ndihmesës për stafin mësimdhënës dhe nxënësit, sidomos në organizimin më të mirë të punës praktike në arsimin e mesëm profesional”, ka shkruar Hoti.
Postimi i plotë:
Në përputhje me vendimin e Qeverisë të datës 28 korrik 2020, MASH dhe IKSHP po përgatisin udhëzuesin për mënyrën e organizimit të vitit të ri shkollor nga 1 shtatori.
Po studiohen përvojat e vendeve të tjera. Sigurisht se vendimi final për hapjen e shkolla do të ndikohet nga gjendja epidemiologjike.
Në procesin e vendimmarrjes do të përfshihen plotësisht komunat, të cilat do të kenë përgjegjësi që të zbatojnë udhëzimet.
Gjatë javës që vjen, do të jemi në kontakt me kryetarët e komunave dhe drejtorët për Arsim për të diskutuar modalitetet e mundshme të fillimit të vitit shkollor.
Jemi duke shqyrtuar edhe platformat e ndryshme të ndihmesës për stafin mësimdhënës dhe nxënësit, sidomos në organizimin më të mirë të punës praktike në arsimin e mesëm profesional.
