Mesfushori i Barcelona-s, Arturo Vidal, ka folur në prag të sfidës së Champions League kundër Bayern Munich.
“Është ndeshja më e rëndësishme e vitit. E dimë se Bayern ka zhvilluar një sezon të jashtëzakonshëm, por jemi Barcelona dhe ata do të luajnë kundër skuadrës më të mirë në botë, jo kundër një ekipi të Bundesliga-s. Do të jetë një ndeshje shumë e bukur”, ka thënë ish-ylli i bavarezëve.
“Kur luaja te Bayern kanë thënë gjithmonë se ishim favoritë, por këtë herë do të jetë ndryshe. Lewandowski? Është i palodhur, e kam parë të rritet dhe do të jetë me të vërtetë e vështirë të ndalet. Por Leo Messi është nga një planet tjetër”.
Për Neymar: “Kur ishte te Barcelona, ka treguar atë që është në gjendje të bëjë. Është një lojtar me shumë talent dhe e ndihmon shumë skuadrën”.
