Kryetar i ASh-së, Ziadin Sela, në mbledhjen e VI-të të Kuvendit Qendror të kësaj partie, bëri të ditur që disa anëtarë të deritanishëm të KQ, do të përjashtohen.
Marketing
“Në pikën e dytë të rendit të ditës do të shtoja se pos zgjedhjeve të anëtarëve të rinj, disa anëtar do të përjashtohen nga Kuvendi Qendor”, tha Sela që në hapje të mbledhjes e cila mbahet në qytetin e Gostivarit.
Ai nuk bëti të ditur se kush janë ata anëtarë, por sipas burimeve tona bëhet fjalë për disa anëtarë të ASH-së nga dega e Tetovës.
Në rend dite të KQ ka 6 pika, mesin e tyre edhe zgjedhjen e anëtarëve të rinj të Kuvendit Qendror dhe raporti nga Shtabi Qendror Zgjedhor i partisë për zgjedhjet e parakohshme parlamentare të mbajtura me 15 korrik.
