Kryedipomati i Bashkimit Evropian Josep Borrell ka habitur shumë dëgjues sot në Parlamentin e BE teksa duke hedhur dyshime mbi legjitimitetin e presidentit të Ukrainës Alexander Lukashenko, ka ngatërruar Bjellorusinë me Ukrainën fqinje.
Shefi diplomatik dukej konfuz teksa fjala e tij u prit me zhurmë në sallë, ndërsa ngatërresa u shpërnda shpejt në rrjetet sociale duke u shoqëruar me komente humori.
“Lukashenko nuk është presidenti legjitim i Ukrainës,” tha Borell.
“Më falni, Bjellorusisë,” tha më pas ai duke kërkuar ndjesë kur e kuptoi gabimin. “Ne, BE nuk e njohim Lukashenkon si presidentin legjitim të Bjellorusisë”, tha ai më pas duke evituar ngatërresa të mëtejshme.
Zyrtari i lartë vijoi më tej fjalimin e tij duke theksuar se BE kërkon që autoritetet atje të ndalojnë “arrestimet e paligjshme” dhe “dhunën”.
Borell përmendi gjithashtu se BE po mendon vendosjen e sanksioneve ndaj Bjellorusisë dhe do të rishikojë marrëdhëniet me vendin në përgjithësi.
