Sot, shefi i Delegacionit të Bashkimit Evropian në Republikën e Maqedonisë së Veriut, ambasadori David Geer, i dorëzoi Letrat Kredenciale kryetarit të Republikës së Maqedonisë së Veriut, Stevo Pendarovski. Ambasadori Geer tha se ishte i kënaqur që ishte në Maqedoninë e Veriut për të përfaqësuar Bashkimin Evropian. Ai u zotua se do të punojë gjatë gjithë mandatit të tij me institucionet, forcat politike dhe të gjithë aktorët dhe sektorët e shoqërisë në të gjithë vendin. Kryetari dhe ambasadori Geer shkëmbyen mendime në lidhje me procesin e integrimit të Maqedonisë së Veriut në BE, përparimin që ka bërë vendi, si dhe reformat dhe sfidat e ardhshme. Ambasadori Geer shprehu vendosmërinë e tij për të mbështetur procesin e reformave pozitive në interes të lirive, prosperitetit dhe sigurisë së qytetarëve të zakonshëm.
