Koronavirusi mori jetën e një milion njerëzve në mbarë botën, që kur virusi u shfaq në Kinë në fund të vitit të kaluar.
Virusi është regjistruar në 210 vende dhe ka infektuar të paktën 32 milionë njerëz në të gjithë globin, sipas një rezultati nga burimet zyrtare të përpiluar nga AFP.
Evropa tani po përballet me një rritje të dytë të shpërthimit të rasteve, teksa kontinenti po i afrohet muajve të dimrit.
Shifrat vijnë një ditë pasi Organizata Botërore e Shëndetësisë (OBSH) paralajmëroi se numri i vdekjeve globale të koronavirusit mund të shkonte deri në dy milionë, përpara se të jetë në dispozicion gjerësisht një vaksinë efektive anti-Covid.
Numri i vërtetë i vdekjeve dhe infeksioneve ka të ngjarë të jetë dukshëm më i lartë për shkak të testimit dhe raportimit të pamjaftueshëm në shumë vende.
