Ministria e Arsimit dhe Shkencës informon se mësimi vazhdon të zhvillohet normalisht, komfor dinamikës dhe organizimin. Më pak se një për qind e nxënësve dhe stafit në shkollat fillore dhe të mesme janë të infektuar me COVID-19 dhe sipas këtyre të dhënave, sipas Ministrisë së Arsimit dhe Shkencës, mund të konkludohet se protokollet janë efektive në uljen e rrezikut të përhapjes së virusit.
“Sipas raporteve që shkollat i dorëzojnë çdo ditë në Ministrinë e Arsimit dhe Shkencës, nga numri i përgjithshëm i 259 235 nxënësve në nivelin shtetëror, përqindja e të infektuarve është vetëm 0,06, ndërsa nga numri i përgjithshëm i 27 955 mësuesve dhe personelit tjetër kjo përqindje është 0,58 për qind. Në kuadër të mësimit me prani fizike janë regjistruar gjithsej 40 nxënës pozitivë me koronavirus, si dhe 52 punonjës nga shkollat e mesme dhe fillore”, thonë nga Ministria e Arsimit dhe Shkencës.
Në të gjitha rastet e tjera, bëhet fjalë për pjesëmarrës në mësimin online, ku as fëmijët, as mësimdhënësit nuk kanë pasur kontakte me pjesën tjetër të shkollës.
Gjithashtu, nxënësit dhe mësuesit që shkojnë në izolim për shkak të kontaktit të ngushtë me ndonjë person të infektuar, ose për shkak se kanë rezultuar pozitiv me COVID-19, vazhdojnë procesin mësimor përmes internetit.
