Ministria e Punës dhe Politikës Sociale informon se prej nesër fillon pagesa e Ndihmës minimale të garantuar për nëntorin e këtij viti.
Në mënyrë që të shmanget tollovia përpara bankave dhe të mundësohet mbrojtje më e madhe e përfituesve të ndihmës financiare në kushte rreziku nga virusi KOVID-19, pagesa do të bëhet në dy grupe, në degët dhe ekspoziturat e bankave, sipas orarit të përcaktuar të rendit alfabetik, sipas shkronjës së parë të mbiemrit dhe që nesër për personat mbiemrat e të cilëve fillojnë në A, B, V, G, D, Gj, E, ZH, Z, X, I, J, K, L, LL, M, ndërsa të premten për personat me mbiemra që fillojnë me – N, NJ, O, P, R, S, Т, Q, U, F, H, C, Ç, XH, SH.
“Shfrytëzuesit e NGM-së që kanë një kartë debiti do të jenë në gjendje të tërheqin para në bankomatet, të përdorin mjetet për pagesa në rrjetin e shitjeve ose përmes bankave elektronike dhe celulare që nga nesër”, informon MPPS.
Të drejtat e tjera sociale dhe të mbrojtjes së fëmijëve fillojnë me pagesë të premten për qytetarët që kanë një kartë debitore. Ata do të jenë në gjendje të tërheqin para në bankomatet, të përdorin mjete për pagesa pa para në rrjetin e shitjeve ose përmes bankave elektronike dhe celulare, për të drejtat e mëposhtme: shtesa për fëmijë, shtesa të posaçme, për të porsalindur, shtesa prindërore për një fëmijë të tretë, shtesa prindërore për një fëmijë të katërt, shtesa arsimore, shtesa për ndihmë dhe kujdes nga një person tjetër, ndihmë financiare, ndihmë invaliditeti, invaliditet civil, strehim social, sigurim shoqëror për të moshuarit – pension social, strehim për azilkërkuesit, ndihmë financiare për kujdestarin dhe përfitim parash për familje kujdestare.
Pagesa e këtyre të drejtave do të bëhet në dy grupe, në degët dhe ekspoziturat e bankave, në përputhje me rendin alfabetik të përcaktuar, sipas shkronjës së parë të mbiemrit, më 7 dhjetor (e hënë) – A, B, V, G, D, Gj, E, ZH, Z, X, I, J, K, L, LL, M, ndërsa më 9 dhjetor (e mërkurë) – N, NJ, O, P, R, S, Т, Q, U, F, H, C, Ç, XH, SH.
Ministria e Punës dhe Politikës Sociale rikujton në detyrimin për të mbajtur maskë dhe për të mbajtur distancë fizike prej dy metrash.
