Komuna e Tetovës kumtoi se ka filluar procedura për pastrimin e Lumit Shkumbin në qytet nga mbeturinat e mbledhura. Për zbatimin e këtij aktiviteti sipas të dhënave për furnizime publike është angazhuar kompania nga Porroi, ndërsa marrëveshja shkaktoi pagesën e jo më shumë se dy milionë denarëve.
“Filloi pastrimi i shtratit të Lumit Shkumbin në pjesën nga ura në bulevardin ‘Industriska’ (Video Smilevski-Bato) deri tek rruga magjistrale Shkup-Gostivar (unaza në Tetovë). Ta ruajmë dhe ta mbajmë mjedisin jetësor të pastër”, theksuan nga Komuna e Tetovës.
Sipas të dhënave të publikuara në sistemin elektronik për furnizime publike (SEFP) për pastrimin e shtratit të lumenjve të Lumit Shkumbin, si dhe lumenjtë në Reçicë të Madhe dhe të Vogël dhe lumin në Porroj më 29 korrik, Komuna e Tetovës ka arritur marrëveshje sipas furnizimit të zbatuar publik 06565/2020 me kompaninë “Mikeli Beton” nga Porroi.
“Vlera e përgjithshme e marrëveshjes nuk guxon ta tejkalojë shumën prej dy milionë denarëve pa e llogaritur TVSH-në. Marrëveshja nuk e obligon organin dakordues që ta kryejë furnizimin në tërë vlerën e lartpërmendur. Çmimi për shërbimet i ndërmarrë nga raporti nga procedura e zbatuar në të cilin bartësi i furnizimit e ka ofruar çmimin më të ulët në vlerë prej 3.100 denarëve pa TVSH-në e llogaritur”, theksohet në marrëveshjen e cila është publikuar në SEFP.
