Pas rritjes së numrit të viktimave dhe rasteve të reja me COVID-19, Greqia ka vendosur ndalim e lëvizjes duke nisur nga ora 18.00 në Athinë, Selanik dhe Halkidiki gjatë fundjavave.
Sipas informacioneve, bizneset e hapura pas orës 18.00 do të jenë vetëm supermarkete, pikat e karburantit, furrat e bukës, farmacitë dhe dyqane ushqimore.
Ora policore në të gjithë vendin nis pas 21:00 të natës. Zëvendës Ministri i Mbrojtjes Civile, Nikos Hardalias, njoftoi në detaje se cilat zona përfshihen në nivelin B (e kuqe) nga e shtuna në mëngjes, si dhe masat që do të zbatohen në raste të veçanta, ku ngarkesa virale është veçanërisht e lartë dhe situata është më e rrezikshme.
Në listën e masave shtesë janë tre nga qytetet më të mëdha të vendit, Athina dhe Selaniku, si dhe Patra. Ndryshimet në Atikë dhe Selanik kanë të bëjnë kryesisht me funksionimin e dyqaneve. Gjatë ditëve të javës, ndalimi i qarkullimit do të zbatohet nga ora 21:00.
