17:23 | 14 Prill 2021
17:23 | 14 Prill 2021
La Gazzetta dello Sport raporton se Interi ka nevojë për katër nënshkrime të reja këtë verë, dhe Steven Zhang do të diskutojë strategjitë për transferimin e lojtarëve pasi të rikthehet në Itali.
Presidenti i Nerazzurrëve do të kthehet në Itali nga Kina në ditët në vijim për të diskutuar planet e klubit për të ardhmen, duke përfshirë buxhetin e tyre të transferimit të verës, transmeton lajmi.net.
Zhang do të kërkohet të qëndrojë në shtëpi në karantinë për 14 ditë, por sapo të përfundojë periudha e vetë-izolimit, ai do të takohet me drejtuesit e klubit.
Gazeta raporton se Nerazzurri është në kërkim të katër nënshkrimeve të reja: një mbrojtës qendror, një mbrojtës i majtë, një mesfushor qendror dhe një sulmues.
E ardhmja e disa lojtarëve, përfshirë Alexis Sanchez dhe Arturo Vidal, është në ‘ajër’, por ka të paktën tetë lojtarë të tjerë që mund të largohen nga klubi në verë.
Interi është kryesuesi i tabelës në Serie A me një epërsi prej 11 pikësh ndaj Milanit dhe u duhen 14 pikë në nëntë ndeshjet e fundit të sezonit për të fituar titullin e tyre të parë në Serie A në më shumë se dhjetë vjet./Lajmi.net/
