10:29 | 16 Prill 2021
10:29 | 16 Prill 2021
Paul Pogba e ka quajtur të keq stilin e menaxhimit të José Mourinho, duke e akuzuar atë se i bënë lojtarët të ndjehen si “ata nuk ekzistojnë më”.
Mourinho e bëri Pogban lojtarin më të shtrenjtë në botë pas transferimit të tij në 2016 si menaxher i Manchester United, transmeton lajmi.net.
Pogba ishte i dobishëm pasi United ku edhe fituan një Kupë të Ligës dhe gjithashtu Ligën e Evropës në vitin 2017, por pak para shkarkimit të portugezit, ata kishte një marrëdhënie të vështirë.
“Ajo që kam tani me Ole është ndryshe sepse ai nuk do të shkonte kundër lojtarëve”, tha Pogba në një intervistë në Sky Sports. “Nuk është sikur i vendosni anash lojtarët dhe imagjinoni sikurse ata nuk ekzistojnë më. Unë mendoj se ky është ndryshimi midis Mourinho dhe Ole”.
“Dikur kisha një marrëdhënie të shkëlqyeshme me Mourinho. Të gjithë e shohin atë dhe të nesërmen nuk e dinim se çfarë ka ndodhur. Kjo është gjëja e çuditshme që pata me Mourinhon. Dhe nuk mund t’ju shpjegoj sepse, edhe unë, nuk e di as vetë një gjë të tillë”.
Pogba tutje tha: “Jam i sigurt që Mourinho tha diçka që i bëri njerëzit të flasin. Kjo është ajo që ai bën. Ne morëm rezultatin që dëshironim. Ole e di atë dhe ne e shijuam atë moment. Ne e njohim Mourinhon dhe atij si pëlqen të humbasë”.
“Ne thjesht përqendrohemi tek ne, ne e fituam ndeshjen, ai e humbi ndeshjen dhe ai nuk dëshiron të flasë për lojën. Ai dëshiron të flasë për babanë e dikujt; kjo është ajo që ai bën. Të gjithë e dinë”, ka përfunduar Pogba.
Djajtë e Kuq po luftojnë për të fituar titullin e tyre të vetëm këtë sezon, pra, Ligën e Evropës, derisa Spurs për një vend në Ligën e Kampionëve./Lajmi.net/
