Ministri i Punëve të Jashtme, Bujar Osmani, nesër, 23 prill 2021, do të realizojë vizitë zyrtare në Republikën e Kosovës.
Përskaj takimit me nikoqirin e tij, Ministren e Punëve të Jashtme dhe Diasporës, Donika Gërvalla-Schwarz, Ministri Osmani do të realizojë takime edhe me përfaqësues tjerë nga kreu shtetëror, Presidenten e Republikës së Kosovës Vjosa Osmani, Kryeparlamentarin Glauk Konjufca, si dhe Kryeministrin Albin Kurti.Gjatë vizitës do të shkëmbehen mendime për çështjet e rëndësishme për thellimin e raporteve bilaterale mes dy vendeve mike dhe fqinj, projektet e radhës dhe prioritetet që do të jenë temë edhe për seancën e ardhshme qeveritare, perspektivat e bashkëpunimit të mëtejmë në fushat e interesit të përbashkët, veçanërisht në fushën e ekonomisë dhe shkëmbimit tregtar.
Njëherazi, pritet të shkëmbehen mendime në lidhje me aktualitetin në rajon, bashkëpunimin rajonal, çështjet e sigurisë, sfidat bashkëkohore dhe perspektivat e vendeve nga rajoni me interes për integrimin e tyre në strukturat evropiane dhe euro- atlantike.
