Ministria e Punëve të Jashtme të Azerbajxhanit tha se Centrali Bërthamor Metsamor në Armeni është një nga termocentralet më të rrezikshëm bërthamorë në botë dhe i bëri thirrje publikut botëror të ndërmarrë veprime për të mbyllur termocentralin, transmeton Anadolu Agency (AA).
Ministria lëshoi një deklaratë në përvjetorin e shpërthimit që ndodhi në termocentralin bërthamor të Çernobilit.
Në deklaratë thuhet se Azerbajxhani ishte gjithashtu në mesin e vendeve të prekura nga katastrofa e Çernobilit, 2.000 nga 7.000 qytetarë azerbajxhanas të dërguar për shërim më vonë humbën jetën dhe 5.000 të tjerë kanë vuajtur nga ajo që ndodhi.
Më tej thuhet se siguria e termocentraleve nuk duhet të shqetësojë vetëm vendet ku ndodhen, por edhe vendet fqinje dhe se rreziqet që lidhen me termocentralin bërthamor Metsamor në Armeni duhet të rishikohen nga bashkësia ndërkombëtare.
Duke kujtuar se centrali bërthamor Metsamor u ndërtua me teknologji të ngjashme të përdorur në Çernobil dhe ndodhet në një zonë aktive sizmike theksohet se “Metsamor është një nga termocentralet më të rrezikshëm bërthamorë në botë për shkak të teknologjisë së saj të vjetër dhe vendndodhjes së ndjeshme. Armenia vazhdon të përdorë Metsamorin pavarësisht paralajmërimeve nga organizata të ndryshme ndërkombëtare që përshkruajnë strukturën si ‘një kërcënim për të gjithë rajonin”.
Duke kujtuar se Bashkimi Evropian i bëri thirrje Armenisë të mbyllë Metsamorin në vitin 2020, u bënë deklaratat në vijim:
“Përdorimi i teknologjisë së vjetër dhe mosrespektimi i rregullave të sigurisë në Metsamor krijon probleme serioze mjedisore për rajonin e gjerë. Përveç kësaj, përsëritja e kontrabandës së materialit bërthamor siç është uraniumi shumë i pasuruar ngre shqetësime në lidhje me ruajtjen e duhur të impiantit dhe materialeve të tij bërthamorë”, thuhet në deklaratë.
“Ne u bëjmë thirrje të gjitha institucioneve përkatëse ndërkombëtare, organizatave joqeveritare që merren me sigurinë bërthamore dhe mjedisin dhe vendet në rajon për të rritur ndërgjegjësimin e publikut për parandalimin e mundshëm të katastrofave dhe për të mobilizuar përpjekjet për të mbyllur termocentralin Metsamor”, tha Ministria e Jashtme e Azerbajxhanit.
