Autoritetet ruse të hënën urdhëruan zyrat e udhëheqësit të burgosur të opozitës Alexei Navalny të pezullonin të gjitha aktivitetet e tyre në pritje të vendimit të gjykatës nëse do t’i ndalonin ata si një grup ekstremist, njofton AP.
Urdhri për ndalim nga zyra e prokurorit të Moskës u postua në rrjetet sociale nga aleatët e Navalnyt.
Vendimi është pjesë e goditjes më të fundit ndaj organizatave të Navalnyt – në fillim të këtij muaji, zyra e prokurorit i kërkoi gjykatës që Fondacionin e tij për Luftimin e Korrupsionit dhe rrjetin e zyrave rajonale ta shpall si grupe ekstremiste.
Një emërim i tillë do të nxirrte jashtë ligjit aktivitetet e tyre dhe do t’i ekspozonte anëtarët dhe mbështetësit e tyre me burgime të gjata, sipas mbrojtësve të të drejtave të njeriut. Është një sfidë e madhe për ekipin e Navalnyt, me shumë prej anëtarëve të arrestuar, të shënjestruar nga zbatimi i ligjit me bastisje ose duke u përballur me akuza penale.
Prokurorët të hënën gjithashtu i kërkuan një gjykate të Moskës të kufizonte veprimtaritë e Fondacionit për Luftimin e Korrupsionit duke e ndaluar atë nga përhapja e informacionit në media, duke marrë pjesë në zgjedhje, duke përdorur bankat ose duke organizuar ngjarje publike, sipas Ivan Pavlov, një avokat që përfaqëson ekipin e Navalnyt.
Aleatët e Navalny kanë hedhur poshtë akuzat dhe këmbëngulin se ato janë të motivuar politikisht.
Fondacioni i Navalnyt u hap 10 vjet më parë dhe që atëherë ka synuar të ekspozojë zyrtarë të lartë rusë të lidhur me korrupsionin, shumë në formën e videove shumëngjyrëshe dhe të shikuara gjerësisht në YouTube. Një nga ato më të fundit, duke pretenduar se një pallat luksoz në bregun e Detit të Zi u ndërtua për presidentin Vladimir Putin përmes një skeme të përpunuar korrupsioni, ka marrë 116 milionë shikime.
