Sheshi “Skënderbej” po përgatitet për takimin e fitores së Partisë Socialiste, e cila ka arritur të sigurojë 74 mandate, duke konfirmuar rezultatin e vitit 2017.
Sërish, socialistët do të drejtojnë vendin të vetëm, pa pasur nevojë për koalicion. Kjo, në fakt, ka qenë një kërkesë e kahershme e kryeministrit Edi Rama. Nëse nuk do të fitonte i vetëm zgjedhjet, ai deklaroi se do të dilte nga skena politike shqiptare.
Pamja e veçantë e zgjedhur nga socialistët për të festuar fitoren ndërkaq, do të jetë ajo e ngjyrave të flamurit kombëtar – Kuqezi.
Një ndër thirrjet kryesore të Ramës në fushatë, ka qenë pikërisht bashkimi përtej politikës i shqiptarëve.
Një shtrirje dore për bashkëpunim ndaj opozitës është theksuar herë pas here jo vetëm nga Rama, por edhe nga eksponentë të tjerë të PS-së.
Piedestali ndërkaq, do të jetë lulja e trëndafilit – e pranishme gjatë gjithë fushatës zgjedhore të PS-së.
“Kush të dojë të na bashkohet për përqafimin e fitores”, shkruante më herët kryeministri në Facebook.
Një përqafim fitoreje, i cili me sa duket, do të jetë një përqafim ndaj gjithë shqiptarëve.
