Aktori i serisë së njohur “How I Met Your Mother”, Jason Segel dhe Alexis Mixter, i kanë dhënë fund lidhjes tetëvjeçare.
Lajmin e ka konfirmuar artistja 30-vjeçare në një postim të gjatë në rrjetin social Instagram.
Ajo ka thënë se së bashku me aktorin kanë marrë vendim që rritjen e tyre si njerëz ta bëjnë të ndarë larg prej asaj që ata e cilësonin si lidhje dashurie. Jason Segel, 41-vjeçar, ende nuk ka reaguar në lidhje me këtë postim.
“Kjo është një fotografi e dy miqve të mirë”, ka nisur Mixter postimin e saj në Instagram.
Çifti nisi lidhjen në vitin 2014 dhe debutoi në qilimin e kuq dy vjet më vonë.
“Ky djali në foto dhe unë kemi ndryshuar jetën e njëri-tjetrit. Ndryshuam shpirtin e njëri-tjetrit, krejt për të mirë”, ka shkruar ajo.
Artistja ka shkruar se kurrë nuk ka kaluar aq shumë kohë dhe kurrë nuk është ngritur si person aq sa me aktorin Segel. Ka shtuar se njoftimi për ndarjen nëpër rrjetet sociale ishte një ndjenjë e çuditshme.
Aktori Segel ishte pjesë e serisë “How I Met Your Mother” nga viti 2005 deri më 2014. Luajti në këtë seri përkrah yjeve: Alyson Hannigan, Josh Radnor, Cobie Smulders dhe Neil Patrick Harris.
