David Beckham po përpiqet të bindë Lionel Messin të përfundojë karrierën e tij në Inter Miami, raporton mediumi britanik “The Mirror”.
David Beckham thuhet se ka qenë në kontakte të vazhdueshme me yllin argjentinas.
Ikona e Argjentinës së fundmi u bashkua me Paris Saint-Germain në një marrëveshje dyvjeçare, por pronari i Inter Miami tashmë ka qenë në kontakt për të diskutuar një kalim të mundshëm në MLS në vitin 2023.
Messi ishte në Miami kohët e fundit për të blerë disa prona dhe Beckham shpreson se ai do të angazhohet të luajë për klubin para se të varë këpucët e tij.
Bashkëpronari i Miamit, Jorge Mas këmbënguli në qershor se ai ishte “optimist” se Messi, i cili nuk e ka fshehur dëshirën e tij për të përfunduar karrierën e tij në Amerikë, do të luante për Inter Miami para se të mbyllte karrierën e tij.
“Unë jam optimist që Messi do të luajë me një fanellë të Inter Miami sepse mendoj se do të përfundojë trashëgiminë e lojtarit më të madh të brezit tonë dhe do të takohet me ambiciet e pronarëve të Inter Miami për të ndërtuar një ekip të klasit botëror,” tha Mas për Miami Herald.
“David dhe unë kemi punuar vërtet shumë, ne kemi aspirata për të sjellë lojtarët më të mirë këtu dhe Messi është një lojtar brezash, padyshim lojtari më i mirë i të gjitha kohërave”, përfundoi Mas. /Lajmi.net
