Ne nuk do të lejojmë që individë të caktuar të përfitojnë politikisht në kurriz të kultivuesve të rrushit”, ishte i prerë ministri i Bujqësisë Arjanit Hoxha. Duke komentuar ndërprerjen e blerjes së rrushit në Kavardar, Hoxha ripërsëriti se për sa kohë që ai drejton ministrinë, prodhuesit nuk do të ndahen në baza politike.
“Nëse politikanë të caktuar, kryetarët e komunave, janë të pakënaqur sepse nuk arritën atë që kishin planifikuar, më vjen vërtet keq që ata donin të përdornin dhimbjen e kultivuesve të rrushit për të fituar pikë politike. Sa kohë që unë drejtoj Ministrinë, nuk do të ketë politikë në bujqësi, jo vetëm që vreshtarët, por nuk do ndahen politikisht as të gjithë prodhuesit e tjerë. Më vjen keq që disa politikanë nuk e kanë kuptuar këtë, madje po përpiqen të marrin një mandat tjetër si kryetar bashkie në kurriz të prodhuesve.”,- tha ministri i bujqësisë, Arjanit Hoxha.
Pas takimit me homologun malazez Aleksandar Stijoviç, Hoxha tha se është në komunikim të vazhdueshëm me kultivuesit e rrushit dhe asgjë nga premtimi nuk është jashtë asaj që janë dakorduar paraprakisht.
