Cili është varianti i ri Covid dhe pse është shqetësues?
Shkencëtarët kanë zbuluar një variant të ri Covid-19 të njohur si B.1.1.529 dhe po punojnë për të kuptuar rrezikshmërinë e tij të mundshme. Rreth 100 raste të konfirmuara janë identifikuar në Afrikën e Jugut, Hong Kong, Izrael dhe Botsvanë.
B.1.1.529 ka një numër shumë të pazakontë mutacionesh, të cilat janë shqetësuese sepse mund ta ndihmojnë atë të shmangë përgjigjen imune të trupit dhe ta bëjë më të transmetueshëm, kanë thënë shkencëtarët. Çdo variant i ri që është në gjendje të shmangë vaksinat ose të përhapet më shpejt se varianti dominues Delta mund të përbëjë një kërcënim të rëndësishëm.
Si krahasohet B.1.1.529 me variantet e tjera?
Shkencëtarët e përshkruajnë B.1.1.529 si variantin më të keq që kanë parë që nga fillimi i pandemisë. Ai ka 32 mutacione në proteinën spike, pjesë e virusit që përdorin shumica e vaksinave për të nxitur sistemin imunitar kundër Covid. Ky është rreth dyfishi i numrit të lidhur me variantin Delta.
Mutacionet në proteinën spike mund të ndikojnë në aftësinë e virusit për të infektuar qelizat dhe përhapjen, por gjithashtu e bëjnë më të vështirë për qelizat imune të sulmojnë patogjenin.
A ka ndonjë gjë që mund të bëj për të mbrojtur veten?
Po. Këshilla mbetet që të vaksinoheni nëse nuk e keni bërë tashmë. Mbajtja e maskave është gjithashtu shumë e rëndësishme!
