![](https://aktuale.mk/wp-content/uploads/2021/06/AKTUALE_pop.jpg)
![](https://aktuale.mk/wp-content/uploads/2021/07/AKTUALE_pop1.jpg)
![](https://aktuale.mk/wp-content/uploads/2021/07/AKTUALE_pop2.jpg)
![](https://aktuale.mk/wp-content/uploads/2021/07/AKTUALE_pop3.jpg)
![](https://aktuale.mk/wp-content/uploads/2021/12/akt_pop5.jpg)
![](https://aktuale.mk/wp-content/uploads/2021/12/akt_pop6.jpg)
![](https://aktuale.mk/wp-content/uploads/2021/12/akt_pop7.jpg)
![](https://aktuale.mk/wp-content/uploads/2021/12/akt_pop8.jpg)
Ministrat e Brendshëm të Bashkimit Evropian u pajtuan me vlerësimin e Komisionit Evropian se Kroacia është e gatshme t’i bashkohet Shengenit, transmeton Anadolu Agency (AA).
Vendimin e ministrave të brendshëm të BE-së e ka bërë të ditur ministri slloven Ales Hoj.
Këtë informacion në llogarinë e tij në Twitter e ka konfirmuar edhe kryeministri kroat, Andrej Plenkoviç.
“Këshilli i Ministrave të BE-së sapo ka miratuar konkluzionet për përmbushjen e kushteve të nevojshme për zbatimin e plotë të normave ligjore të Shengenit nga Kroacia. Ky është një vendim i rëndësishëm që na afron më afër arritjes së objektivit strategjik të qeverisë kroate për anëtarësimin në Shengen”, ka shkruar Plenkoviç.
Anëtarësimi në Shengen përfshin fushat e bashkëpunimit policor, mbrojtjen e të dhënave, politikën e përbashkët të vizave, kthimin dhe ripranimin, Sistemin e Informacionit Shengen, rregulloret për armët e zjarrit, kontrollin e kufijve të jashtëm dhe bashkëpunimin gjyqësor në çështjet penale.
Pas vendimit të KE-së në vitin 2019, pranimi i Kroacisë në Shengen duhet të miratohej nga çdo vend anëtar i BE-së. Konfirmimi përfundimtar i vendimit është në Këshillin e BE-së.
Kroacia është anëtare e BE-së që nga viti 2013.