Gabimi me softuerin e UEFA ka bërë që shorti i Champions League në Nyon të Zvicrës të përsëritet sërish. I hedhur fillimisht në 12:00, UEFA ka marrë vendimin që shorti të përsëritet. Me Arshavin në përzgjedhje të goglave, shorti i orës 15:00 prodhoi rezultate të ndryshme dhe sfida të forta.
Inter gjen Liverpool, Bayern Munich luan me Salzburg, PSG përballet me Real Madrid, ndërsa Atletico Madrid luan me Manchester United.
Man City, Liverpool, Ajax, Real Madrid, Bayern Munchen, Man United, Lille dhe Juventus janë ekipet që janë kualifikuar në vendet e para, ndërsa PSG, Atletiko Madrid, Sporting, Inter, Benfica, Villareal, Salzburg dhe Chelsea janë skuadrat që janë kualifikuar si vendet e dyta.
Në këtë fazë, ekipet që janë nga një i njëjti kampionat nuk do të përballen mes tyre si dhe skuadrat që kanë qenë në të njëjtin grup. Ndeshjet e para të fazës së 1/16 do të luhen më datë 15, 16, 22, 23 shkurt 2022, ndërsa ndeshjet e kthimit në datat 8, 9, 15, 16 mars 2022.
Çiftet:
RB Salzburg – Bayern Munich
Sporting – Manchester City
Benfica – Ajax
Chelsea – LOSC Lille
Atletico Madrid – Manchester United
Villareal – Juventus
Inter – Liverpool
PSG – Real Madrid
