![](https://aktuale.mk/wp-content/uploads/2022/01/aktaule1.jpg)
![](https://aktuale.mk/wp-content/uploads/2022/01/aktaule2.jpg)
![](https://aktuale.mk/wp-content/uploads/2022/01/akt02.jpg)
![](https://aktuale.mk/wp-content/uploads/2022/01/akt01.jpg)
![](https://aktuale.mk/wp-content/uploads/2022/01/akt04.jpg)
![](https://aktuale.mk/wp-content/uploads/2022/01/akt05.jpg)
![](https://aktuale.mk/wp-content/uploads/2022/01/akt06.jpg)
![](https://aktuale.mk/wp-content/uploads/2022/01/akt07.jpg)
VMRO-DPMNE, për programin dhe përbërjen qeveritare të propozuar nga mandatari Dimitar Kovaçevski dhe që pritet të zgjedhet sot në Kuvendin e Maqedonisë së Veriut tha se këtë qeveri e ka përgatitur Zaevi, pasi janë të njëjtët ministra që rrënuan ekonominë dhe shtuan krimin.
“Legjitimiteti i Qeverisë së Kovaçevskit që në fillim është i humbur. Piuni Kovaçevski është instaluar nga ana e mentorit të tij, Zoran Zaev. Ai ishte vendosur edhe në parti si ushtar i Zaevit, i rrethuar me kuadro të vjetra dhe të shpenzuara, kurse shohim se ka qenë i imponuar edhe në Qeveri. Zaev e negocioi, Zaev e formoi, Zaev e aprovoi, kurse piuni Kovaçevski është Qeveri e zaevizmit me tërë vazhdimësinë e krimit, korrupsionit dhe paaftësisë”, qëndron më tej në reagim.
Thonë se kuadrot e njëjta “e rrëzuan shtetin”.
“Nëse shohim se në Qeveri mbeten Spasovski, Nikollovski, Mariçiq, Bytyqi, Boçvarski dhe të gjithë kuadrot e BDI-së, është e qartë se kjo Qeveri do ta fus Maqedoninë në agoni edhe për disa muaj. Këta njerëz janë sinonim i paaftësisë të cilët ishin pjesë e ekipit të krimit të Qeverisë paraprake të zaevizmit”, qëndron në reagim.
Përfundojnë se një Qeveri e tillë nuk ka as ardhmëri dhe duhet të largohet sa më shpejtë.