Në më pak se 24 orë, artistët e muzikës kanë sjellë 5 këngë të reja.
Lojën e hapi si fillim Diona Fona, me një këngë verore, “Mama”. “Vera erdhi shpejt”, shkroi këngëtarja në përshkrimin e postimit të saj nga klipi, i cili është plot ngjyra e ritëm.
![](https://tvklan.al/wp-content/uploads/2022/05/diona-623x1024.jpg.webp)
Noizy, i cili ka qenë mjaft aktiv në këtë periudhë, solli “Warning”, një bashkëpunim me BM. Ky është bashkëpunimi i tretë i reperit pas “Lozonjare” me Altin Sulkun dhe “Maradona” me Elai.
![](https://tvklan.al/wp-content/uploads/2022/05/noizy-731x1024.jpg.webp)
Dy vëllezërit reperë, Mozzik dhe Getinjo sollën “Toto Rina”, një projekt që kujtoi pak “El Chapo”. Një këngë me dy pjesë, e para më ritmike dhe verore, ndërsa e dyta e mbizotëruar nga repi dhe fjalori eksplicit e i guximshëm.
![](https://tvklan.al/wp-content/uploads/2022/05/mozzik-728x1024.jpg.webp)
Pinky Promises” është kënga më e re e Loredanës në gjuhën gjermane. Ndërsa jemi mësuar me stilin e saj unik, kësaj here surpriza ishte Hana, vajza e saj me ish-partnerin Mozzik, e cila bënte pjesë në skenat e klipit.
![](https://tvklan.al/wp-content/uploads/2022/05/lori-750x1024.jpg.webp)
Azet ngriti “Gotat” në këngën e tij, një projekt ritmik i përzier në shqip e gjermanisht që mbyll këtë pesëshe të këtyre orëve.
![](https://tvklan.al/wp-content/uploads/2022/05/azet-758x1024.jpg.webp)
Ndërkohë sot, pritet publikimi i këngës së re nga Gjest, “Qa m’bone”, i paralajmëruar për moshat 18+. Era Istrefi është një tjetër emër që mund të publikojë sot “TKRKT” pasi pyeti fansat në rrjetet sociale.