Djali i shtatë herë kampionit të Formula 1 Michael Schumacher, Mick Schumacher ka pësuar një aksident të tmerrshëm në garën e F1 Monaco Grand Prix, transmeton Gazeta Metro.
Ai në kthesën e cila njihet ndryshe si ‘Swimming Pool Chicane’ ka pësuar aksident, por megjithatë thuhet se gjendja e tij shëndetësore tani është mirë.
Në pamjet e publikuara në rrjetet sociale shihet se makina e tij është ndarë përgjysmë.
Menjëherë pas incidentit vrapuan disa persona përgjegjës të largojnë mbeturinat nga pista, ndërsa shoferët tjerë po pyesnin përmes radiove të ekipit të tyre për gjendjen shëndetësore të Schumacher.
Kurse shoku i skuadrës së Schumacher, Kevin Magnussen, gjithashtu u detyrua të largohej nga gara përpara se gjermani të godiste barrierat. Magnussen pësoi një humbje të presionit të ujit pak para se Schumacher të detyrohej të tërhiqej.
