Një 42-vjeçar është arrestuar dhe akuzohet për vrasje, tentativë vrasjeje dhe akte terroriste pas të shtënave në qendër të kryeqytetit të Oslos, në Norvegji.
Dy persona u vranë dhe 21 u plagosën, nga të cilët 10 prej tyre janë gjendje të rëndë.
Policia tha se e konsideron sulmin një akt të terrorizmit ekstrem islamik.
Viktimat u qëlluan brenda dhe jashtë Londrës Pub, një vend i njohur LGBTQ+.
Të shtënat filluan rreth orës 01:15 me orën lokale të së shtunës (23:15 GMT të premten), thanë zyrtarët.
Dëshmitarët okularë thanë se i dyshuari nxori një armë nga çanta e tij dhe filloi të qëllonte, duke i detyruar njerëzit e tmerruar që të hidheshin në tokë ose të iknin.
Sulmuesi u arrestua nga oficerët e policisë – të cilët u ndihmuan nga kalimtarët e rastit – disa minuta më vonë. Në vendngjarje u gjetën nga policia dy armë, njëra prej tyre automatike.
Autoritetet më vonë thanë se i dyshuari ishte një shtetas norvegjez.
