Koordinim i detajuar për përballimin e përbashkët të krizës, si pasojë e mungesës së ushqimit dhe energjisë elektrike, si dhe rreziqet e zjarreve gjatë verës, janë temat që priten të diskutohen sot nga delegacioni i Maqedonisë së Veriut dhe Serbisë gjatë vizitës së tyre ne Shqipëri, gjegjësisht në kuadër të nismës “Ballkani i Hapur”.
Delegacioni qeveritar i Maqedonisë në Tiranë, udhëhiqet nga zëvendëskryeministri për Çështje Ekonomike, Fatmir Bytyqi ku marrin pjesë edhe ministrat e Ekonomisë, Shoqërisë Informative dhe Administratës, Bekteshi dhe Aliti, si dhe zëvendësministrat e Financave dhe Bujqësisë.
Përfundimet e takimit duhet të shpallen në një konferencë për shtyp.
Ndryshe, theksojmë se delegacioni i Maqedonisë së Veriut ka theksuar se shtetet e Ballkanit të Hapur do ti tejkalojnë së bashku krizat globale.
