Kryenegociatori kosovar dhe njëherit zv/kryeministri, Besnik Bislimi i është përgjigjur ashpër një deklarate skandaloze të kryediplomatit serb, Nikolla Selakoviq, i cili tha se shqiptarët në Kosovë “po përgatisin ferr” duke iu referuar gjendjes së serbëve të Kosovës.
Bislimi në një postim në Twitter ka thënë se Qeveria serbe po prodhon lajme të turpmshme mediatike që kanë dy qëllime, shkruan lajmi.net.
Sipas tij, Qeveria serbe synon përhapjen e panikut si dhe promovimin e atyre që ata dëshirojnë t’i ilustrojnë si “akte heroike” të udhëheqjes shtetërore.
“Mbiprodhimi i artikujve të sponsorizuar nga qeveria si ky në mediat serbe, është një ilustrim i përsosur i frikësimit si strategjia kryesore e qeverisë në shfrytëzimin e turpshëm mediatik për përhapjen e panikut dhe promovimin e “akteve heroike” të udhëheqjes shtetërore”, ka shkruar Bislimi.
The overproduction of government sponsored articles like this in Serbian media, is a perfect illustration of fearmongering as the key govt strategy in shameles media exploitation for panic spreading and promotion of "heroic acts" of the state leadership.https://t.co/2qgE3l9nf7
— Besnik Bislimi (@BislimiBesnik) July 30, 2022
