Transparenca, e cila do të shpie në uljen e korrupsionit, është një nga prioritetet e larta të kësaj qeverie. Për këtë qëllim, pak më shumë se një vit më parë, filluam krijimin e asistentit të parë digjital të bazuar në inteligjencën artificiale – ADA, përmes të cilit kompanitë do të mund të marrin informacion të plotë për kushtet për të investuar në vendin tonë dhe ndihmën shtetërore që ofrojmë.
ADA do t’i ofrojë të gjitha informacionet për mbështetjen financiare në kuadër të Planit të rritjes ekonomike. Sigurisht, në të ardhmen, ne do ta mësojmë këtë asistent bazuar në inteligjencën artificiale për shërbime të tjera të rëndësishme për ekonominë dhe qytetarët.
Këtë e paralajmëroi zëvendëskryeministri i Qeverisë së Republikës së Maqedonisë së Veriut, përgjegjës për çështje ekonomike, koordinim me resorët ekonomikë dhe investimet, Fatmir Bytyqi, në kuadër të konferencës “Viti i mundësive të reja”, që u mbajt në Shkupi.
“Në vitin 2021 kam filluar të flas me donatorë të ndryshëm si dhe me kolegë të mi se si të përmirësohet sistemi dhe mekanizmi i dhënies dhe kontrollit, më saktë si të përmirësohet efikasiteti i ndihmës shtetërore si mekanizëm që ne përdorim. Si produkt i kësaj, lindi ADA. Gjithashtu, së bashku me Bankën Botërore, më në fund do të fillojmë të digjitalizojmë 11 procese biznesi në 11 institucione të ndryshme që përdorin mekanizmin e ndihmës shtetërore. Kjo do të ndihmojë në rritjen e efektivitetit dhe efikasitetit”, tha Bytyqi, duke folur për zhvillimin e ADA – asistentit të parë digjital në sektorin publik, si dhe për Sistemin informativ të menaxhimit për ndihmën shtetërore.
Në fjalimin e tij, zëvendëskryeministri theksoi se më me rëndësi për zhvillimin e asistentit digjital ADA, i cili do të promovohet së shpejti, është se ai do të mundësojë informacione të unifikuara të disponueshëm në çdo kohë për të gjithë të interesuarit.
“Digjitalizimi është përgjigjja për të gjitha mangësitë që shfaqen në raporte të ndryshme lidhur me luftën kundër korrupsionit dhe krimit të organizuar. E vetmja mënyrë për ta trajtuar atë është duke shkuar tërësisht në anën e faktorit njerëzor dhe natyrisht të bëhet transparent i gjithë procesi i mbështetjes së kompanive dhe investimeve. Ne vendosëm që të bënim ADA, asistentin digjital që do të ishte asistenti i parë që do të vendosej ndonjëherë në sektorin publik. Ndryshe, ADA është ndryshimi i punës që duhet të bëjmë të gjithë këtë vit dhe vitet në vijim nëse vërtet duam të arrijmë rritjen dhe zhvillimin që duam të arrijmë”, tha Bytyqi.
ADA jonë, tha zëvendëskryeministri, është një asistent digjital i bazuar në inteligjencën artificiale që do të japë informacione për investimet, të cilat do të promovohen në detaje këtë muaj.
“Përndryshe, ADA flet tri gjuhë, maqedonisht, shqip dhe anglisht, dhe është emëruar sipas ADA Lovelace, e cila besohet të jetë teknikja e parë kompjuterike femër që krijuan algoritmin e parë për makinat. Prandaj ne besojmë se ADA duhet të jetë pionierja në ngritjen e asistentit digjital në sektorin publik, i cili do të sjellë transparencë më të madhe në të gjitha proceset dhe sigurisht që do të eliminojë faktorin njerëzor aty ku duhet eliminuar.” – përfundoi zëvendëskryeministri.
Asistenti digjital – ADA po punohet përmes një projekti të Fondit për Inovacione dhe Zhvillim Teknologjik, i cili u zbatua si sfidë për komunitetin vendas fillestar, të cilin e fitoi kompania CodeWell. ADA është asistenti i parë digjital në sektorin publik në rajon që punon për inteligjencën artificiale, ju udhëzon dhe u përgjigjet pyetjeve për mundësitë e investimit në vendin tonë dhe së shpejti do të promovohet në detaje.
