Të paktën tre fëmijë dhe tre të rritur u vranë pas të shtënave me armë zjarri në një shkollë private të krishterë në Neshville në shtetin Tenesi të SHBA-së.
Ngjarja ndodhi të hënën në mëngjes me kohën lokale, ku më pas e dyshuara, një vajzë adoleshente, u qëllua me vdekje nga Policia.
Don Aaron, zëdhënës i Departamentit të Policisë Metropolitane Neshville, u tha gazetarëve se e dyshuara kishte të paktën dy pushkë gjysmë-automatike dhe një pistoletë.
“Ne nuk e dimë identitetin e saj në këtë moment”, tha ai.
Vdekja e tre nxënësve u konstatua pasi arritën në Spitalin e Fëmijëve Monroe Carell. Kështu tha John Hoëser, zëdhënës i spitalit.
Gjithashtu, edhe tre anëtarë të stafit të shkollës u vranë.
Shkolla Covenant në Neshville u themelua në vitin 2001 dhe ka rreth 200 nxënës, sipas faqes së internetit të shkollës./REL
Të shtëna me armë zjarri në një shkollë në Nashville të SHBA, humbin jetën 3 fëmijë
Tre fëmijë kanë mbetur të vdekur nga të shtënat me armë zjarri në një shkollë private në Nashville, SHBA. Sipas Reuters, të shtënat u regjistruan në shkollën e krishterë The Covenant School, ndërsa autori mbeti i vrarë nga shkëmbimi i zjarrit me policinë.
Shkolla ku ndodhi ngjarja ka rreth 200nxënës, parashkollorë dhe deri në klasën e gjashtë, kur nxënësit janë afërsisht 11 ose 12 vjeç.
Nuk ka ende informacione mbi autorin e kësaj ngjarje dhe as për motivet që mund ta kenë shtyrë atë drejt një akti kaq të rëndë. /rtsh.al/
