Një burrë rus do të dëbohet nga Indonezia pasi pozoi nudo në majë të një mali të shenjtë në Bali.
Fotoja e burrit të identifikuar si Yuri duke pozuar me pantallonat rreth kyçeve të këmbës në malin Agung u bë virale javën e kaluar.
Edhe pse ai ka kërkuar falje, sipas BBC, do të ndalohet të hyjë sërish në Indonezi për të paktën gjashtë muaj.
Bali ka shtuar kohët e fundit përpjekjet për të goditur turistët e huaj me sjellje të jo të mirë.
Mali Agung, pika më e lartë në ishull, besohet nga hindutë të jetë shtëpia e perëndive. Një zyrtar lokal tha se nuk kishte “asnjë justifikim” për sjelljen e Yurit.
“Ai shkeli normat dhe nuk tregoi respekt për kulturën tonë,” tha kreu i Zyrës së Ligjit dhe të Drejtave të Njeriut në Bali, Anggiat Napitupulu për The Jakarta Post.
Në një video të postuar në Instagram në rusisht, Yuri tha: “Veprimi im nuk ka justifikim. E vetmja gjë që çoi në atë që ndodhi ishte injoranca ime personale”.
Më pas ai mori pjesë në një ceremoni të veçantë pastrimi për malin, një ritual i mbajtur shpesh nga vendasit pas incidenteve të tilla.
