Për Open-TV, ai ka deklaruar se ka qenë nder dhe respekt që të shërbej dy personalitetet e njohura të politikës shqiptare.
“Ishte ndjenjë shumë e mirë dhe e paharruar të shërbej kryeministrin Edi Rama dhe presidenten e Republikës së Kosovës, Vjosa Osmani. Ata ishin mysafirë të Dritan Abazovic në koncertin e tenorit shqiptar me famë botërore Ramë Lahaj”, tregon kamarieri kumanovar Elion Zeqiri.
Ai tregon bisedën e shkurtër që ka pas me Ramën dhe Osmanin.
“Ne ishim të angazhuar me punë, pastaj në koncert pati shumë mysafirë dhe kishte mjaftë sigurime, por megjithate unë e gjeta një moment për të shkrepur fotografi me Edi Ramën dhe Vjosa Osmanin. Arrita që t’ju tregoj se jam nga Kumanova, dhe atyre iu bë shumë qejfi. Unë e admiroj Edi Ramën dhe Vjosa Osmanin, për mua janë politikanët më të mirë shqiptarë”, tregon Zeqiri. (Open-TV)
