Zyra e një gruaje mund të krahasohet me një dritare në shpirtin e saj. Fotot dhe gjithçka tjetër që mund të shihni në të pasqyrojnë deri diku personalitetin e saj. E ndërsa ne të gjithë kemi veçoritë tona në vendin e punës, ka disa gjëra thelbësore të provuara dhe të vërteta në zyrë për të cilat gratë e suksesshme betohen.
Një bllok shënimesh
Për të shënuar mendimet tuaja. Të kesh një bllok ku të mbash shënime me dorë është një domosdoshmëri. Pavarësisht nëse ju pëlqen të bëni lista ose të shënoni takimet apo detyrat tuaja, të keni një fletore është zgjidhja për të organizuar mendimet tuaja.
Një shishe ose gotë me ujë
Hidratimi i duhur është thelbësor nëse jemi në zyrë apo jo. Pra, nëse ka një gjë në tryezën tonë që është e dobishme dhe funksionale, ajo është shishja e ujit. Në fakt, me shumëllojshmërinë që ekziston tani mund të gjeni atë që i përshtatet personalitetit tuaj dhe i plotëson nevojat tuaja.
Një libër me fraza inkurajuese
Nuk ka mënyrë më të keqe për të nisur ditën se sa të zgjoheni pak para punës dhe të filloni menjëherë atë. Shumë gra para se të shkojnë në punë meditojnë ose lexojnë një frazë inkurajuese dhe prandaj një libër është shumë i nevojshëm, është një mënyrë ideale për të shtuar më shumë optimizëm dhe energji në ditën tuaj, dhe kështu të bëheni më efikas.
Një objekt që do t’ju kujtojë “pse”
Është e zakonshme të humbasim energjinë ose motivimin dhe nëse ka një mënyrë të provuar për të rifituar pasionin tonë, është të kujtojmë “pse” filluam një punë apo një projekt. Sado e çuditshme që të tingëllojë, të kesh një simbol fizik se pse ke filluar dhe pse po bën atë që po bën, mund t’ju ndihmojë të bëni një hap më tej. Qoftë një kartolinë apo foto e dikujt që ju frymëzon apo një objekt që ju sjell fat, prania e tij mund të veprojë si dritë edhe në ditët më të trazuara.
Një palë syze për t’u mbrojtur nga rrezatimi i ekranit
Nëse punoni shumë orë në ditë para një kompjuteri, tashmë e dini se për çfarë po flasim. Rrezatimi i ekranit mund të shkaktojë probleme me shikimin tonë , si tharja e syve. Përdorimi i syzeve me filtër mund të ndihmojë në promovimin e gjumit më të mirë, zvogëlimin e tendosjes së syve dhe zvogëlimin e shfaqjes së dhimbjeve të kokës, duke e bërë këtë aksesor një domosdoshmëri absolute për gruan që punon.
