Emisari i Bashkimit Evropian për dialogun Kosovë-Serbi, Miroslav Lajçak, ka bërë të ditur se ka takuar komandantin e KFOR-it në Kosovë, Angelo Ristuccia. Ai ka thënë se i ka shprehur mirënjohje për punën e bërë në Kosovë.
Lajçak ka shkruar se takimi është zhvilluar në Bruksel dhe sipas tij është e “rëndësishme të shkëmbejmë shënime mbi zhvillimet në terren dhe të ndajmë vlerësimet tona mbi burimet e mundshme të tensioneve në të ardhmen”.
“Mirëpritëm komandantin gjeneralmajor Ristuccia sot në Bruksel. Është e rëndësishme të shkëmbejmë shënime mbi zhvillimet në teren dhe të ndajmë vlerësimet tona mbi burimet e mundshme të tensioneve në të ardhmen. Mirënjohës për punën jetike të KFOR-it në ndërtimin e një mjedisi të sigurt në Kosovë”, ka shkruar Lajçak./KosovaPress
