Një postim i Ambasadës së Rusisë në Kanada ku shkruan se “Kosova është Serbi”, ka nxitur reagime në platformën X, ish-Twitter.
Ky reagim erdhi pas një postimi të Sekretarit të Përgjithshëm të NATO-s, Jens Stoltenberg, i cili theksoi se misioni i KFOR-it do të ndërmarrë gjithmonë veprimet e nevojshme për ta ruajtur sigurinë në Kosovë.
“Aleatët e NATO-s u takuan sot dhe shprehën shqetësim të thellë për tensionet në veri të Kosovës. Misioni KFOR i NATO-s do të ndërmarrë gjithmonë veprimet e nevojshme për të ruajtur një mjedis të sigurt dhe lirinë e lëvizjes për të gjithë”, shkroi dje Stoltenberg në Twitter.
#NATO Allies met today & expressed deep concern about tensions in northern #Kosovo. NATO’s #KFOR mission will always take the necessary actions to maintain a safe & secure environment & freedom of movement for all. https://t.co/7FPCQnprEU
— Jens Stoltenberg (@jensstoltenberg) September 29, 2023
Këtë postim të shefit të NATO-s e ka shpërndarë Ambasada e Rusisë në Kanada duke ia bashkëngjitur një mbishkrim “Kosova është Serbi”.
Eksperti austriak i dezinformimit, Dietmar Pichler, ka thënë se postimi në fjalë flet shumë për rolin që Rusia luan në Ballkan dhe gjithashtu zbulon shumë për Serbinë.
“Ky thotë shumë për rolin që luan Rusia në Ballkan dhe gjithashtu zbulon shumë për Serbinë. Duhet të rishqyrtojmë politikën e ‘dyanësisë’ para se të jetë tepër vonë”, ka thënë Pichler, raporton Klankosova.tv.
It says a lot about the role Russia plays in the Balkans and also reveals much about Serbia.
We should reconsider the policy of 'bothsidesism' before it's too late. #Kosovo pic.twitter.com/NEsKOSXlIl
— Dietmar Pichler (@DietmarPichler1) September 30, 2023
Gjithashtu edhe asistentja italiane e akredituar në Parlamentin Evropian, Federica Woelk, ka theksuar se Bashkimi Evropian duhet të dijë se çfarë mund të pasojë duke e ditur se prapa saj qëndron edhe Rusia.
“BE-ja duhet të dijë se çfarë mund të ndodhë më pas, duke pasur parasysh se pas kësaj qëndron edhe Rusia”, ka shkruar Woelk në Twitter.
https://twitter.com/federicawoelk/status/1708059389683216435?ref_src=twsrc%5Etfw%7Ctwcamp%5Etweetembed%7Ctwterm%5E1708059389683216435%7Ctwgr%5E8f458ad48783ece014dbdd3aaa2ffe7f54bb0cd1%7Ctwcon%5Es1_&ref_url=https%3A%2F%2Fklankosova.tv%2Fambasada-e-rusise-ne-kanada-nxit-reagime-me-postimin-kosova-eshte-serbi%2F
Reagim pati edhe njohësja e zhvillimeve në Ballkan, Ivana Stradner, e cila ka cituar një paralajmërim të mëhershëm të ministrit të jashtëm rus, Sergey Lavrov, ndërsa thotë se mund të ketë edhe provokime të tjera nga Moska dhe Beogradi.
“Lavrov tha kohët e fundit se ‘një situatë e madhe shpërthyese po krijohet në zemër të Evropës’. Do të shihni më shumë provokime nga Moska dhe Beogradi”, ka shkruar Stradner.
Lavrov recently said that “a major explosive situation is brewing in the heart of Europe.”
You’ll see more provocations from Moscow and Belgrade. ⤵️ pic.twitter.com/pH22wLzudm
— Ivana Stradner (@ivanastradner) September 30, 2023
Ish-ministri i Energjisë, Minierave dhe Industrisë i Federatës së Bosnjës dhe Hercegovinës, Reuf Bajroviq, po ashtu e ka shpërndarë postimin e Ambasadës ruse dhe ka shkruar “Në rast se nuk është e qartë se kush qëndron pas krizës në veri të Kosovës”.
In case it wasn’t clear who’s behind the crisis in the north of Kosovo… https://t.co/BsoWSw0A0Z
— Reuf Bajrović (@ReufBajrovic) September 29, 2023
Të dielën (24.09.2023) një formacion ushtarako-policor i mbështetur nga Serbia ka kryer një sulm terrorist ndaj rendit kushtetues të Kosovës, duke sulmuar Policinë e Kosovës në Bansjkë të Zveçanit dhe kështu duke shkaktuar vdekjen e rreshterit të policisë, Heroit Afrim Bunjaku.
Tre nga terroristët mbetën të vrarë.
