Zinku është një mineral për të cilin kohët e fundit është folur shumë.
Rëndësia e rolit të zinkut në shëndet është e lartë, veçanërisht sa i përket mundësisë që ky mineral të shkurtojë kohëzgjatjen e të ftohurës dhe sëmundjeve.
Çfarë Është Zinku
Zinku është një mineral thelbësor për shëndetin e njeriut.
Pas hekurit, zinku është metali i dytë më i bollshëm në trup.
Ky mineral është shumë i rëndësishëm për sistemin imunitar, formimin e rruazave të bardha të gjakut, pjellorinë, ndarjen e qelizave dhe enzimat.
Ushqimet më të pasura me zink janë mishi pa dhjamë dhe frutat e detit.
Mungesa dhe dozat e shumta të zinkut janë problematike për shëndetin.
Sasitë e mëdha të këtij minerali mund të pengojnë përthithjen e hekurit dhe bakrit.
A Ndihmon Zinku Kundër Të Ftohurës
Një analizë e kohëve të fundit e disa studimeve shkencore mbi rolin e zinkut tregoi se ky mineral shkurton kohëzgjatjen e gripit me një ditë.
Kjo ndodh nëse zinku merret brenda 24 orësh nga shenjat dhe simptomat e të ftohurës.
E ftohura shkaktohet nga një virus që lulëzon dhe shumohet në rrugët e sipërme të frymëmarrjes.
Zinku parandalon shumimin e virusit dhe strehimin e tij në membranat e fytit dhe hundëve.
Zinku është shumë efikas nëse merret në formën e shurupit apo kapsulave që shkrihen në gojë.
Kësisoj, lëngu qëndron në zonën e fytit dhe lufton virozat me më efikasitet.
Pavarësisht rolit të zinkut, shkencëtarët nuk kanë paracaktuar një dozë të mirëfilltë efikase të zinkut kundër të ftohurës.
Efektet Anësore Të Kapsulave Të Zinkut
Në formën e kapsulave që shkrihen në gojë, zinku shkakton efekte anësore ku përfshihen të përzierat dhe shija e keqe në gojë. Ndaj AgroWeb.org ju këshillon të bëni kujdes.
Njerëzit që përdorin solucione spërkatëse të hundëve me zink shprehen se humbasin përkohësisht shqisën e aromës.
Sasitë e mëdha të zinkut mund të jenë toksike dhe të shkaktojnë anemi dhe dëmtim të sistemit nervor.
Përpara se të merrni suplementë me zink, AgroWeb.org ju rekomandon të konsultoheni me një mjek për të përcaktuar dozën dhe kohëzgjatjen e kurës.
Ushqimet Bimore Të Pasura Me Zink
AgroWeb.org ju këshillon se zinkun mund ta gjeni tek drithërat, mishi i viçit, mëlçia e viçit, mishi i gjelit, vezët, bajamet, djathi, fasulet, farat e kungullit, farat e susamit, bizelet, spinaqi dhe kërpudhat.
Burimet më të pasura me zink janë shega, avokado dhe frutat e pyllit.
Simptomat e Mungesës Së Zinkut
Nëse organizmi ka mungesë të këtij minerali thelbësor atëherë do të përballeni me simptomat e mëposhtme:
Pika të bardha në thonj
Psoriazë, ekzemë dhe akne
Puçra dhe herpes të herëpashershëm
Ftohje të përsëritur
Zbokth
Mjegullim të trurit dhe probleme të tjera mendore
Suplementët e zinkut duhen marrë me konsultën e mjekut.
Ato janë të nevojshme për të mposhtur gripin, infeksionet e të ftohurën.
Ju nuk duhet të merrni më shumë se 100 mg zink në ditë ose efektet e mineralit do të jenë forta dhe do të përfshijnë: diare, të vjella dhe të përziera./AgroWeb.org
