Kompania më e madhe bullgare e basteve online “Telematic Interaktiv Bulgaria” hyn në Maqedoni me një vendim biznesi.
Shoqëria aksionare për organizimin e lojërave të fatit, siç mëson “Faktor”, hyn në tregun maqedonas duke marrë aksione nga një kompani tashmë ekzistuese në vendin tonë.
Bëhet fjalë për një kompani, mbledhja e aksionerëve të së cilës në verë mori vendim për shpërndarjen e dividentit nga fitimi i realizuar prej 11.55 milionë euro për vitin 2022.
Rreth “Telematic Interactive Bulgaria AD”, siç është publikuar në faqen e tyre, shkruhet se është mbajtës i licencës së një prej platformave më të mëdha për lojërat e kazinosë dhe basteve sportive në Bullgari “Palms Bet” dhe është pronar i ofruesit të përmbajtjes së lojës “CT Interactive”.
Pasi u shndërrua në shoqëri aksionare vitin e kaluar, kapitalizimi i tregut i operatorit kaloi 100 milionë euro, gjë që e renditi atë në mesin e 20 kompanive më të mëdha në bursën bullgare. Në të njëjtin vit, aksioni i kompanisë që vepron nën markën Palms Bet ishte një nga më të tregtuarat në bursë.
Sazka Group me bazë në Çeki, një biznes lider evropian i lojërave të fatit, themeloi këtë filial në tregun bullgar në vitin 2012. Shërbimet e lojërave të kompanisë janë të disponueshme si në internet ashtu edhe përmes pajisjeve mobile. Siç raportojnë mediat bullgare, ofrohet një gamë e gjerë shërbimesh të lojërave të fatit, të tilla si shanset sportive në internet, bastet live, lojërat e kazinosë dhe përmbajtje të tjera bastesh në internet.
Në raportin vjetor financiar të kompanisë thuhet se të hyrat e saj vitin e kaluar janë rritur për 32 për qind dhe kanë arritur në më shumë se 50 milionë euro.
