Zyra e kryeministrit britanik Rishi Sunak thotë se kryeministri britanik ka folur me presidentin francez Emmanuel Macron për rëndësinë e marrjes së mbështetjes urgjente humanitare në Gaza dhe ruajtjen e sigurisë rajonale pas zgjerimit të operacionit ushtarak të Izraelit kundër Hamasit.
Udhëheqësit “ranë dakord të punojnë së bashku në përpjekjet për të siguruar ushqim, karburant, ujë dhe ilaçe për ata që kanë nevojë, dhe për të nxjerrë jashtë shtetasit e huaj”, tha Downing Street në një deklaratë të dielën.
“Ata shprehën shqetësimin e tyre të përbashkët për rrezikun e përshkallëzimit tw konfliktit në rajonin më të gjerë, veçanërisht në Bregun Perëndimor”.
Sunak dhe Macron ranë dakord se ishte e rëndësishme të mos harrohej e ardhmja afatgjatë e rajonit dhe, në veçanti, nevoja për një zgjidhje me dy shtete, thuhet në deklaratë, duke shtuar: “Ata nënvizuan se Hamasi nuk përfaqëson Palestinezët dhe se barbarizmi i tyre nuk duhet të minojë aspiratat legjitime të popullit palestinez.”
