Të punësuarit e Qendrës Shtetërore të Provimeve paralajmërojnë grevë të re, pasi as Ministria e Financave dhe as Arsimi nuk i janë përgjigjur kërkesave të tyre për rritjen e rrogave. Emilia Boshkovska nga Sindikata e kësaj Qendre njoftoi se nëse nuk plotësohen kërkesat e tyre ka shanse të mos mbahet provimi i maturës, provimi profesional për mësimdhënës dhe bashkëpunëtorë profesional.
“Gjatë kësaj periudhe kemi hartuar disa ndryshime në kontratën kolektive dhe pas dy muajsh kemi pritur përgjigje nga Ministria e Financave. Ne ende nuk kemi një përgjigje për propozimin e fundit dhe më në fund na është e qartë se e gjithë kjo ishte zvarritje dhe vendosëm që pavarësisht se nuk duam, do të duhet të riaktivizojmë grevën e cila tashmë ishte aktive në periudhën paraprake”, tha Emilia Boshkovska, Sindikata e Qendrës Shtetërore të Provimeve.
Ajo theksoi se janë duke u përgatitur pyetjet e maturës, por koordinatorët nuk do t’i marrin. Boshkovska shprehet se kërkesat e tyre janë që të kenë paga sa ka një mësimdhënës mentor, sepse siç u shpreh për 25% pagat e tyre janë më të vogla.
“Në këtë moment është paraparë të mbahet provimi profesional për mësimdhënës dhe asistent profesional për kursantë. Është diçka në të cilën janë përfshirë dhe prekur rreth 700 persona që janë regjistruar gjatë kësaj periudhe provimi. Ata 700 persona presin që deri në fund të vitit të kalojnë provimin dhe t’u transformohet punësimi, por në këtë rast provimi nuk do të ndodhë. Është diçka që mund të jetë më e rëndësishme tani se provimi i maturës, pavarësisht se provimi i maturës nga 1 janari do të jetë përfundimi dhe deklarimi i studentëve dhe hyrja në sistemin e lëndëve”, dekalroi Emilia Boshkovska, Sindikata e Qendrës Shtetërore të Provimeve.
Boshkovska theksoi se për problemin e tyre nuk u është ofruar zgjidhje reale, madje tha se kanë edhe mungesë të juristëve.
