Një sizmologe e Shërbimit Gjeologjik të SHBA-së paralajmëroi se pasgoditjet e shkaktuara nga tërmeti me magnitudë 7.5 që goditi Japoninë perëndimore këtë të hënë mund të zgjasin me muaj.
Susan Hough tha se njerëzit që jetojnë në atë pjesë të vendit kanë ndjerë tërmete më parë, por ajo beson se ky është “tërmeti më i madh deri tani”, që do të thotë se shumica e banorëve mund të mos kenë përvojë me një ngjarje sizmike të kësaj shkalle.
“Një tërmet kaq i madh do të vazhdojë të ketë pasgoditje. Mund të ketë lehtësisht pasgoditje më të mëdha se magnitudë 6, kështu që do të jetë një rrezik më vete”, tha Hough sipas CNN.
Tërmeti fillestar shembi ndërtesa, shkaktoi zjarre dhe shkaktoi alarme për cunami deri në Rusinë lindore, duke nxitur urdhra për banorët që të evakuojnë zonat e prekura bregdetare të Japonisë.
Në vitin 2011, një tërmet me magnitudë 9.1 në Japoninë lindore shkaktoi një cunami të cilët dëmtuan disa reaktorë bërthamorë. Hough tha se është më pak e mundur që ky rast të përsëritet.
Disa nga raportimet e para erdhën nga qyteti i Wajima në prefekturën Ishikawa, i cili pa valë cunami prej rreth 1.2 metrash rreth orës 16:21 me orën lokale, sipas transmetuesit publik japonez NHK.
Në fund të fundit, vendndodhja luan një rol të madh në ndikimin e madh që mund të ketë një tërmet, shtoi Hough.
