Shtesa prindërore për fëmijën e parë të lindur në Serbi do të rritet nga 378,000 në 500,000 dinarë (4300 euro), në përputhje me politikën e vendit për rritjen e numrit të lindjeve.
“Kur të lindë fëmija i parë, ata do të marrin nga shteti 500 mijë dinarë apo rreth 4300 euro, ndërsa për të dytin nuk do të marrin më 460 mijë dinarë, por 600 mijë dinarë apo mbi 5 mijë euro. Për fëmijën e tretë dhe të katërt, ato masa do të jenë më serioze dhe do të marrin më shumë para. Këtë njoftim e bëri Qeveria e këtij vendi në prezantimin e projektit “Kërcim drejt së ardhmes 2027”.
Me regjistrimin e fundit Serbia doli 6 milionë e gjysëm banorë, por shifrat janë alarmante dhe se ka rreth 500 mijë banorë më pak se 11 vjet më parë.
Sipas rezultateve të regjistrimit, në Serbi jetojnë 5 milionë serb, ndërsa pjesa tjetër janë komunitete tjera. Nga qytetarët që kanë deklaruar kombësinë, të dytin për nga numri i tyre janë hungarezët, me 184,442, pasuar nga boshnjakët me 153,801, ndërsa romët me 131,936. Ndërsa popujt dhe kombet e tjerë janë të përfaqësuar nën një për qind – siç pretendohet më tej – janë 61,687 0,93 shqiptarë, 39,107 kroatë, si dhe 20,238 malazezë. Më së paku në numër janë gjermanët – 2,573, sllovenët 2,829, ukrainasit 3,969 dhe goranët 7,700. Në statistikat e publikuara ka edhe diçka të çuditshme – rreth 27 mijë persona janë deklaruar si jugosllavë.
