Sllovakia u trondit nga një ngjarje e rëndë. Kryeministrit Robert Fico iu bë atentat me armë zjarri. Ky i fundit ka përfunduar fillimisht pa ndjenja në tokë nga të shtënat me armë, ndërsa më pas është transportuar për në spital, sipas asaj që raportojnë mediat lokale.
Marketing
Atentati ndaj kryeministrit Fico ka ndodhur në oborrin e një qendre kulturore në qytetin Handlova, ku ai kishte mbajtur një takim qeveritar.
Stafi i kryeministrit ka bërë një reagim zyrtar në profilin e Robert Fico në Facebook, ku shkruajnë se ai ndodhet në gjendje të rëndë për jetën. Aktualisht, kryeministri po transportohet me helikopter në Banská Bystrica, sepse do të duhej shumë kohë për të arritur në Bratislavë, për shkak të nevojës së një ndërhyrje urgjente kirurgjikale.
