Vrasja e liderit të Hezbollahut nga një sulm i ushtrisë izraelite pranë Bejrutit është një masë drejtësie për viktimat e tij të shumta, të cilat përfshijnë mijëra qytetarë amerikanë, izraelitë dhe libanezë, tha sot presidenti amerikan Joe Biden.
“Shtetet e Bashkuara mbështesin plotësisht të drejtën e Izraelit për vetëmbrojtje”, tha presidenti amerikan në deklaratën e tij.
Biden njoftoi se ai kishte udhëzuar Sekretarin e Mbrojtjes Lloyd Austin për të forcuar forcat e mbrojtjes amerikane në Lindjen e Mesme si një masë për të parandaluar një sulm dhe për të zvogëluar rrezikun e një lufte më të gjerë.
Ai në fund ritheksoi se qëllimi i SHBA-së është të de-përshkallëzojë konfliktet në Gaza dhe Liban përmes mjeteve diplomatike. Biden nuk komentoi deklaratën e liderit suprem të Iranit Ayatollah Ali Khamenei se ai do të hakmerrej për vdekjen e Nasrallah.
Më herët, Khamenei, duke shpallur pesë ditë zie në Iran për vdekjen e Nasrallah, tha se “gjaku i dëshmorit nuk do të shkojë pa hak” dhe se të tjerët do të ndjekin rrugën e tij.
Presidenti iranian Massoud Pezheskian fajësoi SHBA-në për vdekjen e Nasrallah, pjesërisht për shkak se ajo furnizon Izraelin me armë të avancuara.
“Amerikanët nuk mund të mohojnë bashkëpunimin e tyre,” komentoi ai.
